« cride dels archiers »
1491
Lo nòble jòc de l'Arc es una de las institucions mai ancianas de la ciutat de Montpelhièr. Establit per lo rei Jacme II de Malhòrca abans l'annexion francesa, subrevisquèt cinc cents ans. Aviá per tòca iniciala d'ensenhar los borgeses de la ciutat au manejar de las armas. S'organizava donc de fèstas ont los qu'avián l'onor d'aparténer a la nòbla confairiá rivalizavan d'abilesa per desquilhar a la cima d'un mast de 35 metres un papagai. Los pus grands personatges de la ciutat e quitament de princes de sang reial siaguèron intronizats dins aquela nòbla companhiá. Aquò vauguèt als "arquièrs" de portar puòi lo títol de"chivalièrs". Lo nòble jòc de l'Arc èra encara a l'onor au mièg dau sègle XVIII e l'abat Plomet i consagrèt una brocadura.
Atròbe aquesta "crida" datada de la fin dau sègle XV dins la preciosa brocadura "Monspeliensia" (1899) de la famosa colleccion dels bibliofils lengadocians.
Es un interessant document linguistic que mòstra un occitan ja francizat mas encara gostosament idiomatic, e de mai fidèl a l'ortografia classica que se perdrà a Montpelhièr tre lo sègle XVI. Om i pòt entredesvistar çò qu'èra lo jot-dialècte montpelhieirenc au moment que Cristòu Colomb s'aprestava a descobrir l'America.
« De par le Rey nostre senhor et per
comandement de monsr la Rector de la part antique (1)
et a la requeste dels senhors consols et obriers de la present ville de
Montpelier, losquals ont donnat et assignat aquest present loc et place per lo
noble Joc de larc, et est deffendut expressement a tous compaignons frequantans
lod. Joc de larc et autres estans en leur companhia sia per regardar jogar ou
autrement :
Premierement, que negun non sia si hardit de blasphemar lo nom de nostre senhor Jhs Christ et de la glorieuse Vierge Marie ne dels saincts et sainctes de paradis ne jurar lo nom ne lo sang ne lo ventre ne autres membres per quelque cause que sia, et au regard dels jugemens deld. Joc de larc, cascun sera crezegut al sacrement que el a aldit Joc de larc;
- Item, que negun sia si hardit de injuriar lung lautre, mais portar amour, honor et loyaultat lung a lautre comme fraires,
- Item, que negun non ause prandre ne aisejar larc de son compaignon sans sa licence;
- Item, est ordonnat par losdits srs consols que cascun porte son arc et abillament honnestement sans derrision del lo noble Joc de larc;
- Item, que negun no diga ou fassa injura villenia entre las dos butas ne darrieras al lo long de dos arcs ne diga ou face cause qui destorbe la trach de larc;
- Item, que cascun sia tengut de aidar a querir lo traich lung de lautre sans fraus ne barat et negun non sia si hardit de passar los mestes et termes ordenatz par lo Rey dels Archers ou son lieutenant et si per son maulvais gouver prenia cop que aquel que ly aura donnat non ly sera en riens tengut ;
- Item, que losdits lieutenans ou lieutenant ara puissance de ordonnatz sobre tous debatz en l’absence del Rey dels Archiers;
- Item, que negun non sia ressaubut aud. Joc de larc jusques que aja fach lo sacrament acoustumat ou sans licence del Rey dels Archiers ou sosdits lieutenans ;
- Item, que tout homme qui rompra lesd. ordonnances et autres contengudas en la carta anciene delsd. Archers pagara lamende, segon le contengut en lad. carte, en lordonnance del Rey dels Archiers ou son lieutenant en lo Conseil dels plus notables de la Compaignie.
(1) L’intervention du Recteur de la Part Antique s’explique par le fait que la partie du fossé de la ville où se pratiquait la Jeu de l’Arc, à cette époque, appartenait a la juridiction de ce magistrat. Elle s’étendait de la porte de Montpelliéret à celle de Saint- Denis. (NDE, 1899)
Archius municipaus de Montpelhièr, seria BB. Reculh de peças
extrachasdau Manual de Cordelièr, notari de la vila (1491)